Tenori Kastriot Tusha ka shpërndarë një mesash ngushëllimi për ndarjen nga jeta të Mjeshtrit të Madh Gaqo Çako.
Ne mesazhin e ndjerë, Tusha shpreh pikëllim për profesorin “që i dha drejitmin e jetës”.
“Me hidhërim të madh mora vesh ndarjen nga jeta te profesorit tim të dashur Artistit të Popullit, të madhit dhe të paarritshmit Gaqo Çako, profesorit që më dha drejtimin e jetës… ngushëllimet me të përzemerta Luizës e cila ka vlera të jashtëzakonshme duke i qëndruar shumë afër bashkëshortit si amvisë, kolege, partnere dhe nënë shembullore.
Ngushëllime Pirros i cili duhet të jetë krenar për emrin që ka lënë gjigandi Çako…..ke qenë dhe do mbetesh idhull i jetës time”, shkruan Kastriot Tusha në mesazhin e tij.
Ai thotë se familja Tusha do i jetë mirënjohëse tërë jetën.
“I paharruar kujtimi yt i dashur profesor, fizikisht do të na mungosh por shpirtërisht kurrë… brilanca e zërit tënd dhe bel kantoja jote do të transmetohet brez pas brezi.
Mbetesh Pavaroti shqiptar…”, thotë në mbyllje të mesazhit të tij tenori i njohur./a.m.
