Forumi me temë “Çlirimi i hovit të zhvillimit për rritjen e qëndrueshme të ekonomisë globale”, përfundoi të hënën ne Pekin .
Forumi, me pjesëmarrjen e politikanëve dhe liderëve të biznesit global, i organizuar nga Qendra Kërkimore e Zhvillimit të Qeverisë së Kinës, shërbeu jo vetëm si një barometër i politikave ekonomike të vendit, por edhe një pikë ideale për të vëzhguar trajektoren e globalizimit.
Gati 720 liderë pjesëmarrës nga e gjithë bota, analizuan atraktivitetin e ekonomisë kineze, edhe pse unilateralizmi dhe izolacionizmi janë në rritje në mbarë botën. Pavarësisht fërkimeve tregtare midis Kinës dhe ShBA-së, kompanitë amerikane dominuan pjesëmarrjen me 27 drejtues, përfshirë ata nga Apple, Pfizer dhe FedEx etj.
Ndërkohë në forum morën pjesë 28 korporata evropiane përfshirë BMW, HSBC, Bosch dhe Nestle. Ky vit shënoi gjithashtu një nivel të ri pjesëmarrësit për herë të parë me 17 ndërmarrje si IKEA, BofA Merrill Lynch, Amberg Resource Group dhe Tapestry Group, të cilët iu bashkuan zyrtarisht forumit. Ato zunë 20% të të gjitha kompanive pjesëmarrëse, përqindja më e lartë në historinë e forumit.
Të pranishmit demonstruan një përfaqësim gjithëpërfshirës të industrive, me pjesëtarë nga sektorët kryesorë, duke përfshirë shërbimet financiare, kujdesin shëndetësor, energjinë dhe minierat. Liderët globalë në mallrat e konsumit si Danone, Nestle, Estee Lauder dhe Tapestry Group morën pjesë gjithashtu.
