Tentativa për pushtimin e institucioneve shkoi keq, por nuk mund të thuhet e njëjta gjë për reagimin e autoriteteve në Brazil.
Forcat e sigurisë arrestuan më shumë se 1500 persona pasi mbështetësit e ish-presidentit të së djathtës ekstreme, Jair Bolsonaro, sulmuan ndërtesat qeveritare në kryeqendrën Brasilia.
Përveç dëmeve materiale, më shumë se 40 persona mbetën të lënduar nga skenat e kaosit, me 6 prej tyre në gjendje të rëndë.
Bolsonaro humbi zgjedhjet presidenciale ndaj rivalit të krahut të majtë, Luiz Inácio Lula da Silva, në tetor, pasi mbolli pretendime të pabazuara në lidhje me sistemet e votimit.
Të hënën ai publikoi në Twitter një foto të tijën nga një shtrat spitali në Orlando, Florida. Ai bëri të ditur se po merrte trajtim shëndetësor për një plagë të vjetër thike që nga viti 2018.
