Komiteti i Parlamentit Evropian për Çështjet e Jashtme publikoi pak ditë më parë një raport të hollësishëm lidhur me publikimin e Fake News dhe Dezinformimin në Ballkanin Perëndimor në kohë pandemie.
Sipas raportit që nisej kryesisht nga analiza e të dhënave nga Facebook, tregohet se në rrethin e mediave të nivelit më të lartë ka raste që shpërndajnë dezinformim.
Gazeta Tema shkruan se:
Edhe pse ish kryeministri Sali Berisha dhe mediat pranë xhepit të tij nxituan në tentivën e zakonshme që të manipulojnë këtë raport, ajo që hap faqen e Shqipërisë është prodhimi i fakenews nga syri.net apo siç njihet ndryshe “Zeni TV” dhe zeni.net.
Shembull për këtë është marrë rasti i publikimit të lajmit të rremë se 1 300 kontenierëve me mbetje toksike po vijnë fshehurazi në Shqipëri i cili alarmoi mbarë opinionin publik.
Nëse i thërrasim kujtesës, ky lajm u pasqyrua dhe u pompua masivisht nga portali i familjeve Meta-Berisha ku mbi të u ngrit edhe “kauza” e opozitës se shqiptarët tashmë ishin të ekspozuar para një rreziku të ri që kërcenonte shëndetin e tyre.
Sipas dokumenteve zyrtare, le të sjellim në vëmendje se ky mashtrimi i madh u publikua në vitin 2017 ku ministria e Brendshme Italiane akuzon Sali Berishën dhe Ilir Metën, se kanë aktivizuar Ilir Kullën për të publikuar në Itali, një fakenews që të nxiste rënien e qeverisë së Edi Ramës në Tiranë.
Në atë moment, ishte koha kur PD kishte ngujuar çadrën përpara kryeministrisë dhe Ilir Meta, aleat i Ramës po përgatitej të largohej nga koalicioni.
Pra, e thënë më thjesht Mashtrimi u porosit nga Meta me para të pista në Itali, ndërsa Berisha u angazhua për përhapjen e lajmit të rremë në Shqipëri, përmes Zeni TV dhe disa mediave të tjera të opozitës, me qëllim destabilizimin e vendit.
“Këto raporte publikoheshin kryesisht nga Syri.net, një burim kryesor i lajmeve në internet i lidhur me Partinë Demokratike, e cila pretendonte se qeveria e Ramës kishte lejuar importin e 1.300 tonë mbetjesh toksike që u zhdukën nga Italia në fillim të vitit 2018”, thuhet mes të tjerash në raport.
Pikërisht këtë lajm ku është i implikuar drejtpërdrejt këshilltari i Metës, raporti i PE e merr si shembull për të ilustruar atë ç’ka ndodh me fake news në Shqipëri.
Sa i përket nxjerres në pah të këtij manipulimi mediatik, ekspertët e Parlamentit Europian që kanë hartuar raportin marrin si referencë pikërisht një shkrim të publikuar nga gazeta “TemA” e cila çmontoi në kohë të gjithë skenarin e opozitës dhe ish kryetarit të LSI-së Ilir Meta.
Më herët, sërish po këto media që shigjetohen drejtpërdrejt nga raporti i Brukselit, tentuan të manipulojnë nën dirigjimin e ish kryeministrit Sali Berisha i cili nxitoi të nxjerrë një pasazh ku gazeta “TemA” veç të tjerash cilësohet si media me reputacion të lartë për gazetari investigative dhe të pavarur.
Por mesa duket, ashtu si për kontenierët, Berishës i është dukur ndryshe dhe ka provuar ta shesi për ndjekësit e tij tjetër për tjetër.
