I ndjeri Teodor Keko, poet, shkrimtar, ish-deputet dhe njeri i rrallë i letrave shqipe shkruante plot 18 vite më parë se nuk mund të luftohet korrupsioni nga të korruptuarit, një mesazh mjaft kuptimplotë dhe aktual edhe sot.
Ai e nis me një shembull nga vetja, teksa thotë se pavarësisht se ishte në politikë, deputet ai në të njejtën banesë kishte mbetur.
Ndërkohë që sipas tij, ish kolegë që kishin qënë më rrjepacakë se ai ekonomikisht, tashmë kishin vila.
Pikërisht këty Keko thotë se duhet të ndërhyrjnë prokurorët për të pyetur se nga i gjetën këto lekë. Pra të ndiqet paraja.
Po ku do ta dinte i ndjeri Keko që prokurorët vetë në Shqipëri, me një pagë modeste nuk e dinë ku e kanë paranë dhe pasurinë aq shumë kanë.
Krah për krah me politikanët e korruptuar dhe në aleancë më ta.
“Korrupsioni nuk luftohet nga të korruptuarit.
Tetë vjet më parë, kur hyra në Parlament si deputet i PD-së, unë kisha një dhomë e një guzhinë në katin e nëntë të një pallati.
Ligji i aprovuar ato kohë i ndalonte deputetit të merrej me biznes ose me dypunësi, qoftë dhe indirekt.
Unë e respektova këtë ligj dhe mbeta në mënyrë të natyrshme në këtë apartament, megjithëse fëmijët u rritën.
Mbeta në këtë apartament jo se desha të qëndroja në atë ngushtësirë, por se nuk kisha dhe nuk kam mundësi financiare të blej një apartament të ri.
…E nisa nga analiza e vetvetes, për t’iu treguar se edhe unë habitem sesi shumë ish-kolegë të mi, dikur shumë më rrjepacakë ekonomikisht, nga unë, dhe ndryshe nga unë, pa asnjë të ardhur shtesë nga honoraret etj, sot banojnë në vila, apo apartamente superluksoze.
Një prokurori serioze duhet të ndalojë, para një peisazhi të tillë dhe të bëjë pyetjen e thjeshtë pa asnjë tendencë: Mund të më thoni se ku i gjetët lekët?…”, shkruante mes te tjerave i ndjeri Teodor Keko 18 vite më parë./a.m.
