E ftuar në emisionin “Rreze dielli” në Report Tv zëvendës ministrja e arsimit Nora Malaj është shprehur se me datë 10 shtator do të shpallen emrat që kanë të drejtë të studiojnë në universitetet shqiptare. Malaj është shprehur se janë universitetet ato që do të shqyrtojnë dosjet e aplikantëve për të shpallur fituesit. “Në këtë proces Ministria e Arsimit ka vetëm rol vëzhgues”, ka thënë Nora Malaj. Në lidhje me mundësinë e dytë që u është dhënë maturantëve ngelës Malaj është shprehur se ata do të mund të shfrytëzojnë mundësinë pas datës 30 shtator.
“Jemi në momentin kur ka përfunduar i gjithë procesi i aplikimit për në universitete. Fluksi i ditëve të fundit ishte shumë i madh ndaj dhe u krijua një situatë problematike, por mundësitë për aplikimi ishin në çdo vend të botës.
Këtë vit kemi bërë disa hapje të rrjetit të masës për të bërë prurjet e kërkesave pasi mund të ketë pasur mungesa të ndryshme të informacioneve, por nuk mund të hapet pafundësisht.
Që nga ky moment maturantët nuk kanë pse vijnë më tëk AKP dhe Ministria e Arsimit, ata do të marrin çdo informacion në universitete. Mirëkuptoj edhe revoltën por duhet kuptuar që kjo është maturë dalëse, pra nuk do të ketë formulën e mëparshme.
Vlerësimi i maturantëve do të bëhet në bazë të pikaverazhit, nota mesatare, notat e provimeve dhe notat e lëndëve pranuese në universitet. Universiteti shpall listat e fituesve pas datës 10 shtator. Nga data 10 deri me 20 shtator bëhen regjistrimet duke u hapur më tej aplikimet e reja.
Universitetet publike dhe jo publike kanë përcaktuar kuotat dhe mbi bazën e vlerave të secilit student do të bëjnë përzgjedhjet. Të gjitha palët duhet të shterojnë kuotat. Tashmë të gjitha kompetencat i ka universiteti, ministria ka vetëm rol vëzhgues.
Deri tani numri më i madh i studentëve është në universitetet publike, por nëse zbatohen rregullat e lojës siç janë vendosur deri tani duhen falenderuar edhe privatët edhe publiket pasi të gjitha janë të kredituara.
Maturantët ngelës pasi të mbarojnë provimet në të cilat kanë ngelur dhe tyë pajisen me diplomën do të futen në fazën e dytë dhe do të konkurrojnë për kuotat të cilat nuk janë shteruar. Provimet do të zhvillohen: me 30 gusht gjuha e huaj me 2 gusht gjuha shqipe, 6 matematika, 10 shtator lëndët me zgjedhje. Rankimi për ta do të fillojë pas 30 shtatorit për kuotat e mbetura”, është shprehur Malaj.
