Ndërkohë që politika është arti i së mundurës, matematika është shkenca e saktësisë. Kështu që, në pritje që të ndërhyjë politika për të rivënë në vijë grupet parlamentare të dala nga votimet, për të kuptuar se çfarë shumice mund të krijohet në parlamentin e ri të Italisë në mbështetje të një qeverie te re duhen parë shifrat. Dhe matematika na jep vetëm një siguri: ose 5 Yjet ose Lega (ose të dy natyrisht) do të jenë ata që do të mbajnë në këmbë qeverinë e re.
Duke qenë se në Itali, disa grupime të brendshme deputetësh kanë paralajmëruar fraksionet nga partia mëmë, shumica e re do të dalë nga një ekuilibër që do të rikrijohet në Dhomën e deputetëve dhe në Senat, nga grupet që do të ribashkohen. Por cilat janë alternativat e mundshme për të krijuar një shumicë?
Sikurse u tha ka vetëm një siguri: ose 5 Yjet ose Lega do të jenë pjesë e shumicës së re. Për më tepër: pa 5 Yjet ka vetëm një mundësi, që i bashkon të gjitha partitë e tjera, nga Leu te Fratelli d’Italia. Një aleancë që politikisht është e vështirë të imagjinohet.
Duke përjashtuar këtë mundësi, të gjitha mundësitë e tjera i përfshijnë 5 Yjet. Grilinëve do t’u mjaftonte Lega që të kishin 32 mandate mbi shumicën e thjehstë në Dhomë (348 nga 316 të nevojshëm) dhe 9 mbi shumicnë e thjeshtë në Senat (170 nga 161). Por mungon ende numërimi i qendrave të votimit jahstë vendit dhe nëse u bashkohet edhe Fratelli d’Italia, një shumicë tringjyrëshe do të kishte 380 deputetë dhe 186 senatorë, duke krijuar kështu një qeveri të qëndrueshme.
Ndërsa, nëse 5 Yjet dhe Lega nuk arrijnë një marrëveshje politike, Pd-ja do të bëhej e domosdoshme. Në fakt, asnjë kombinim tjetër nuk mund të krijojë një shumicë. Ka dy hipoteza në “lojë”: 5 Yjet me Pd-në (dhe ndoshta aleatët e qendrës së majtë, + Europa, Insieme, Civica Popolare, Svp, plus btë zgjedhurin në Senbat në Val d’Aosta) 356 deputetë dhe 174 senatorë. Një shumicë jo tepër e gjerë, që mund të ndihmohet nga Leu me 14 deputetët dhe 4 senatorët e saj.
ma.me
