Një ngjarje e rëndë ka ndodhur në burgun e Krujës teksa një i dënuar ka vendosur t’i japë fund jetës.
Policia njofton se të martën, në I.E.V.P. Krujë shtetasi J.Z 31 vjeç, banues në Vlorë është ngjitur nëpërmjet shufrës së hekurit rrufe-pritës dhe është hedhur nga tarraca e katit të dytë.
Bëhet fjalë për Jorgo Zanin, autor i masakrimit të një fëmijë vetëm 12 vjeç në Palasë të Vlorës një vit më parë, ngjarje kjo që tronditi mbarë opinionin publik. Zani ka qenë i shtruar vetëm një herë në spitalin psikiatrik të Vlorës, por më pas kishte dalë nga spitali me firmën e të atit Petraq Zani.
“Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale” Shkaktimi i vetëvrasjes” parashikuar në nenin 99 të Kodit Penal” – njofton policia.
Ngjarja e Gushtit 2016:
Një krim i rëndë tronditi Himarën ku një 30 vjeçar i ka prerë kokën një fëmije vetëm 12 vjeç, i afërm i tij.
Djali i identifikuar me inicialet A.Z., rreth 12 vjeç, banues në Greqi po qëndronte tek gjyshja në Palasë, Himarë.
Ndërsa 30 vjeçari ishte i afërm i familjes.
Policia informon: “Sot rreth orës 10:34 , rreth 25 m larg banesës së tij, dyshohet se ka vrarë shtetasin e mitur”
Policia thotë se autori i vrasjes është i afërm i viktimës pasi rezultojnë në lidhje gjaku me njëri-tjetrin.
Sipas dëshmisë autori ka vrarë fëmijën në rrugicë. Ndërsa 30 vjeçari ka marrë kokën dhe ka hyrë në banesë ku janë gjetur.
Autori i sëmurë mendor – Policia informon: “Jorgos Zani dyshohet të jetë i sëmurë mendor, pasi nga verifikimet e kryera ka qenë një herë i shtruar në Spitalin Psiqiatrik të Vlorës në datat: 27.10.2015 – 05.11.2015, me diagnozën “Çrregullime të theksuara të personalitetit” pasi ka qenë përdorues i lëndëve narkotike. Gjithashtu nga Spitali Psiqiatrik Vlorë, rezulton se shtetasi Jorgos Zani është kuruar edhe në shtetin Grek për vite me radhë”
Familjarët kishin dy ditë që ishin larguar dhe kishin lënë djalin e tyre në banesën e gjyshes.
Grupi hetimor ndodhet në vendngjarje dhe po punon për sqarimin rrethanave dhe dokumentimin e plotë të ngjarjes.
/b.d
