Policia italiane ka arrestuar një 35-vjeçar shqiptar, i cili ishte pjesë e grupit të njohur me emrin “Taksa”. Klodian Allushaj u arrestua nga Policia e Vicenzës me urdhër të prokurorisë.
Allushaj do të vuajë një dënim prej 3 vite e dy muaj burg pasi ishte pjesë e një sherri masiv më 9 tetor të vitit 2011, ku po organizohej një festë.
Gjatë kësaj feste, një 19-vjeçar u masakrua pasi ngacmoi një vajzë, e cila kërkoi ndihmë me telefon. Allushaj bashkë me tre persona të tjerë goditën në fytyrë dhe kokë me shufra hekuri dhe shishe italianin.
Italiani përfundoi në spital me fraktura të rënda bashkë me tre shokë të tij që tentuan të ndërhyjnë. Rrahja ishte si një ndëshkim për ngacmimin e të dashurës së Allushajt.
Panorama
