Në masakrën e djeshme në Tiranë ku mbetën të vrarë 3 persona u përfshi edhe një shtetas italian, edhe ky i mbetur i plagosur në shkëmbimin e zjarrit. Sipas gazetës “Panorama” atentati është organizuar nga Besnik Sulku dhe italiani Salvatore Letticia.
Sipas policisë shtetasi italian, tentoi të largohej nga vendi ngjarjes duke u munduar të fshehë armën e krimit. Por edhe pse fillimisht tentoi të mohonte gjithçka, provat e përfshijnë tërësisht në ngjarje, madje duke e bërë autor kryesor.
Nga hetimet e kryera shtetasi italian dyshohet të jetë vrasës me pagesë, që kishte si qëllim ekzekutimin e Mentor Lufit. Kjo pasi në portofolin e tij, në momentin e ndalimit, u gjet edhe një fotografi e 39-vjeçarit Lufi.
