Ish-kryeministri Edi Rama është i vendosur të vijojë akuzat e tij me zyrtarë të lartë të huaj. Dhe pasi akuzoi ambasadorin gjerman dhe atë të BE-së, Sali Berisha tashmë ka sulmuar ashpër edhe kryetaren e misionit të ODHIR, Audry Glover.
Përmes një postini në Facebook, ish-kryeministri Berisha shprehet se Glover është mike e ngushtë e PS-së.
Dhe për këtë Berisha përmend zgjedhjet e viteteve 1996 dhe 2009, ku sipas tij, Glover ka mbajtur anën e socialistëve.
Sipas Berishës opozita ka frikë se ajo nuk do t’i monitorojë si duhet zgjedhjet, duke paralajmëruar kështu mosnjohjen e tyre.
Statusi i Berishës në Facebook
“Këto ditë prita në një takim kongresmenin amerikan z. Robert Aderholt, ish kongresmenin Bob McEëen dhe zotin Sten Holms.
E njoha mikun amerikan me faktin se kryetarja aktuale e Misionit të ODHIR-it ka një histori të dokumentuar shumë fatkeqe të njëanëshme me vëzhgimin e zgjedhjeve të Shqipërisë.
Në vitin 1996 ajo drejtoi misionin e ODHIR-it dhe firmosi një raport prej 36 faqesh, në të cilin nuk citohej qoftë dhe një fakt i vetëm për shkelje gjatë zgjedhjeve dhe procesit zgjedhor, madje nuk përmendej në asnjë fjali të vetme bojkoti i zgjedhjeve ditën e votimit nga opozita e asaj kohe si një akt që kurrë një raport objektiv s’mund t’a shmangte.
Në vitin 2009 ajo erdhi përsëri në krye të misionit të ODHIR-it. E pranova atë vetëm sepse Edi Rama, po ta refuzonte, do të bojkotonte zgjedhjet, por ajo, që në periudhën parazgjedhore u shndërrua në një zëdhënëse të Edi Ramës, shpifjeve dhe trillimeve të tij. Ajo kishte nisur në ODHIR- qëndër si të mirëfillta të gjitha shpifjet dhe trillimet e PS-së, të cilat një delegacion parlamentar i OSBE-së erdhi dhe i gjeti komplet të pavërteta.
Pasi zgjedhjet u zhvilluan normalisht, megjithëkëtë ajo, pavarësisht deklaratës së parazgjedhjeve, hartoi pas dy muajsh një raport tërësisht tendencioz përsëri pa asnjë fakt dhe të pavërtetë, raport të cilin u detyrua t’a terheqë pasi delegacioni parlamentar i OSBE-së i bëri të qartë se do të shkruanin një raport tjetër ku ndër të tjera do të denonconin edhe qëndrimet e saj. Qëndrimet e saj u demaskuan publikisht në takimin në Athinë të OSBE-së nga kryetari i Asamblesë Parlamentare të OSBE-së.
Kështu që, ardhja e saj si aleate e mike e ngushtë e kahershme e Partise Socialiste ngjall te shqiptarët, së paku tek populli opozitar, mosbesim të madh në objektivitetin në monitorimin e zgjedhjeve në Shqipëri prej saj, duke patur parasysh qëndrimet e saj të shkuara të zgjedhjeve në Shqipëri”, shprehet Berisha.
