Arrestohet njëri prej anëtarëve të bandës së Cërrikut, i dënuar me burgim të përjetshëm për bashkëpunim në 16 vrasje.
Policia ka vënë në pranga shtetasin Meti Bozi 58-vjeç,i cili ka marrë pjesë në masakrën e Cërrikut në vitin 1997. Ai akuzohet si një prej organizatërëve të masakrës.
*Meti Bozi
Më herët policia arrestoi edhe Skënder Canon 61-vjeç.
Me datë 22.12. 2016 Gjykata e Shkallës së Parë për Krimet e Rënda Tiranë e ka dënuar me burgim të përjetshëm për veprat penale të “Vrasjes në rrethana të tjera cilësuese e kryer në bashkëpunim,6 herë” vrasjes në rrethana të tjera cilësuese e kryer në bashkëpunim,16 herë, parashikuar nga nenet 79/c-25,79/c-25- 22 e 55 të Kodit Penal./a.m.
Masakra e Cërrikut
Meti Bozi, Skënder Cano dhe Llazar Bicja u shpallën të pafajshëm nga Apeli i Krimeve të Rënda në shtator të 2012-s, vendim ky që u rrëzua nga Gjykata e Lartë në 2015 dhe çështja u kthye për rigjykim në Shkallën e Parë të Krimeve të Rënda.
Ndërkohë, policia thotë se po punon për kapjen e dy personave të tjerë.
Në maj të vitit 1997 u sulmua me armë posta e policisë në qytetin e Cërrikut. Pas sulmit, forcat e Gardës nisën nga Tirana për të rivendosur rendin në këtë qytezë. Por, sipas prokurorisë, garda u sulmua nga grupe të armatosur, të organizuar nga te pandehurit, ku dhe mbetën të vrarë gardistët Besnik Sula, Bashkim Mnella, Sali Martini, Qemal Mehmeti dhe Petrit Ndoi, si dhe u plagosën 16 të tjerë.
