Shkreli, ashtu siç edhe pritej, nuk pranoi të dëshmojë para një komisioni hetimor të Kongresit rreth ngritjes së çmimeve të ilaçeve. Për këtë ai u thirr në amendamentin e pestë të Kushtetutës Amerikane . Shkreli ka refuzuar të flas në lidhje me rritjen dramatike të kompanisë së tij të rritjes së çmimeve të ilaçeve nga më shumë se 5 mijë për qind, shkruan CNBC, transmeton Gazeta Express.
Më vonë, ai shkroi në Twitter: “ Vështirë të pranojë se këta të poshtër përfaqësojnë popullin në qeverinë tonë”.
Për Shkrelin është ngritur një padi penale në Gjykatën Federale të Neë York’ut, e cila e akuzon atë për mashtrim ndaj konsumatorëve në kompaninë e tij farmaceutike.
“Nuk dua të përgjigjem në këtë pyetje”, tha Shkreli kur Jason Chaffetz e pyeti se çfarë do të thotë për një grua të vetme, shtatzënë që mund ta ketë SIDËN, por i duhet ilaçi Darapim.
“A mendoni se ju keni bërë ndonjë gjë të keqe?”, e pyeti Chaffetz, kryetari i Komisionit për Çështjet e Qeverisë.
Chaffetz thotë se ai u përpoq ta marrë përgjigjen e tij, por Shkreli ngurroi të përgjigjej në këtë pyetje thelbësore.
Por, Shkreli përkundër insistimit të kongresmenëve që të flasë, ai ka thënë se ai ka ndërmend vetëm të ndjek këshillat e avokatit të tij, transmeton Gazeta Express.
Martin Shkreli ngjalli zemërim të madh në mesin e pacientëve vitin e kaluar, pasi që kompania e tij farmaceutike, ngriti çmimet e ilaçit Daraprim në 750 dollarë, kurse ilaçi kushtonte 13.50 dollarë.
Në dhjetor të vitit të kaluar, Shkreli u arrestua dhe u akuzua për rritje marramendëse të çmimit të ilaçeve. Sidoqoftë, ai nuk e ka pranuar fajin edhepse u largua nga kompania farmaceutike Turing, dhe u shkarkua nga KaloBios, kompani tjetër farmaceutike.
Prapa pyetjeve lidhur me çmimet e ilaçeve, Shkreli është i njohur në rrjetet sociale, të cilat shpesh herë zbardhin raste kundër tij.
