Është pranuar kërkesa e Shqipërisë për One Stop Security. Kjo do të thotë që qytetarët shqiptarë që nisen nga Rinasi të mos bëjnë më kontrolle sigurie në aeroportet tranzit siç ndodh deri më tani.
Si rezultat i vonesave që shkakton kontrolli në tranzit, ka patur raste që udhëtarët kanë humbur avionin e radhës në jo pak raste.
Realizimi me sukses i këtij projekti kërkon kohë, përshtatje ligjore, burime njerëzore të kualifikuara si dhe burime të mëdha financiare, por Autoriteti i Aviacionit Civil mbetet optimist për suksesin e pritshëm në gjysmën e kohës që kërkon ky projekt.
Buxheti financiar për Shqipërinë në fakt nuk ekzistonte por lobimi nga pala shqiptare bëri që buxhetet e projekteve për Turqinë, Serbinë dhe Moldavinë të rialokoheshin në favor të Shqipërisë.
Kreu i aviacionit Civil Flamur Çelaj thotë se kjo është sfida më e madhe dhe me interes publik pasi rritë në nivelet më të larta. Sigurinë në Aeroport që është edhe porta e parë e Shqipërisë në Europë.
BW/d.i.
