Lideri i Kinës, Xi Jinping ka akuzuar Justin Trudeau se zbulimin e detajeve të takimit në media, disa ditë pasi ata zhvilluan bisedime në samitin e G20 në Bali.
Presidenti Xi i tha kryeministrit kanadez, përmes një përkthyesi, se kjo ishte e papërshtatshme dhe e akuzoi atë për mungesë “sinqeriteti”.
Ai mësohet se iu referua daljes në media të diskutimeve mbi spiunazhin e dyshuar kinez dhe ndërhyrjen në zgjedhjet kanadeze.
Bisedimet u zhvilluan me dyer të mbyllura. Në video pas mbledhjes tashmë të përfunduar të liderëve botërorë, presidenti Xi dhe Trudeau shihen duke qëndruar pranë njëri-tjetrit dhe duke biseduar nëpërmjet një përkthyesi.
“Gjithçka që kemi diskutuar ka dalë në gazeta dhe kjo nuk është e përshtatshme”, i tha udhëheqësi kinez, kryeministrit Trudeau në Mandarin.
Pasi buzëqeshi dhe tundi kokën, kryeministri kanadez u përgjigj duke thënë “në Kanada besojmë në dialogun e lirë, të hapur dhe të sinqertë dhe kjo është ajo që do të vazhdojmë të kemi”.
“Ne do të vazhdojmë të punojmë në mënyrë konstruktive së bashku, por do të ketë gjëra për të cilat nuk pajtohemi”, shtoi ai.
Përpara se Trudeau të përfundonte, presidenti Xi ndërpreu bisedën me homologun e tij dhe kërkoi që ai së pari “të krijonte kushtet”. Më pas i shtrëngoi dorën Trudeau dhe u largua.
Shkëmbimi theksoi tensionet midis Kinës dhe Kanadasë, të larta që nga ndalimi i ekzekutivit të Huawei Technologies, Meng Wanzhou në 2018 dhe arrestimi i mëpasshëm i Pekinit të dy kanadezëve me akuza për spiunazh. Të tre u liruan më vonë.
Por tensionet u ringjallën kohët e fundit pas arrestimit të Yuesheng Wang, një punonjës i shërbimeve publike në Hydro-Quebec, i cili u akuzua për spiunazh.
/s.f
