“Ditën që Berisha u ekspozua si personi që ishte pjesëmarrës organizator dhe furnizues i protestës studentore, pra u bë i dukshëm, ku mori përsipër shkatërrimin në Tiranë, nga ky moment protesta dështoi, mbaroi”, kështu u shpreh për ABC News analisti Arben Meçe, ndërsa komentoi zhvillimet e fundit nga protesta në Tiranë.
Meçe shtoi se edhe pritshmëria e protestave nga Berisha, do jetë gjithmonë e në rënie.
“Nëse Rama sot është komod, është pikërisht kur përballë i del Berisha me të gjitha format e tij të luftës politike që kanë vetëm dhunë, shkatërrim, antishqiptarizëm. Të gjitha këto janë të dënueshme nga ana e qytetarit. Rama është komod, Berisha do vijojë luftën e vet, dhe me të drejtë disa studentë i thonë se nuk jeni gjë tjetër vetëm se shuarësit e protestës nga ana e qeverisë” tha ai.
