Policia ka indentifikuar një nga autorët e vrasjes së Biken Sanajt tek Kodra e Diellit. Dyshohet se autori është larguar nga Shqipëria, raporton News 24.
39-vjeçari u ekzekutua me tre plumba kallashnikovi brenda rezidencës tek Kodra e Diellit.
Briken Sanaj, i cili njihej edhe si Anton Gjini, ka qenë duke lëvizur nga banesa e tij pasi ka parkuar në garazh automjetin dhe do takohej me tre miqtë e tij.
Dyshohet se rreth orës 22:40, dy persona të maskuar janë afruar në këmbë pranë tij dhe e kanë qëlluar me tre plumba kallashnikovi në kokë duke e lënë të vdekur.
Më pas ata janë larguar jashtë rezidencës duke ndjekur një zonë kodrinore për shmangur kamerat e sigurisë, ku në fund të rrugës janë pritur nga një automjet tip “Benz” i cili i ka ndihmuar të arratisen nga zona.
Viktima jetonte prej një viti në rezidencë ndërkohë që ishte i skeduar nga policia. Policia ka sekuestruar pamjet filmike që dyshohet se kanë filmuar momentin e vrasjes ndërkohë që në vendngjarje janë gjetur edhe tre gëzhoja.
Në momentin e ekzekutimit të Sanajt, zona ka qenë mjaft e populluar dhe dyshohet se ka pasur dëshmitarë okularë që kanë parë të gjithë skenën.
/e.d
