Mark Babani, kryetari i Bashkisë së Vaut të Dejës ka hedhur poshtë akuzat e PD-së dhe thotë se nuk ka qenë asnjëherë i hetuar, ndaluar apo arrestuar, as në Itali dhe as në Maqedoni.
Në një reagim për Report Tv, kryebashkiaku tregon pse ka ndërruar pasaportat për efekt të mbiemrit dhe ditëlindjes së shkruar gabim në dokumentet e tij të lindjes.
Ishte Partia Demokratike ajo që sot i kërkoi informacion Prokurorisë së Përgjithshme të verifikojë dyshimet e tyre se Babani mund të ketë qenë i dënuar në Itali dhe Maqedoni dhe se ka fshehur në formularin e vetëdeklarimit tre identitete.
Pjesë nga deklarata
“Kam luftuar gjithë jetën të jem krenar të bëj krenar veten familjen dhe vendin tim dhe jam i gatshëm të përballem me këdo është turp i atyre që të hedhin këtij lloj ideje ndaj meje pa asnjë lloj motivi.
Unë kam ikur me 6 mars 1991 në itali, fati na çoi në sicili ku kam jetuar në një kam nja dy mauaj deri sa u shpërndamë dhe në funt 1991 – 94 kam punuar në një fabrikë peshku, pastaj kam punuar në një hotel deri 95, me këtë firmën që kam punuar kemi bërë shoqëri të përbashkët në shqipëri, ndërmarrja është edhe sot dhe ka marrë përmasa të mëdha, ne eksportojmë prodhimet tonë në gjithë botën
Asnjëherë në jetën time nuk kam pasur asnjëherë ndodnjë ndalesë nga policia dhe asnjëherë nuk kam ndërruar emrin.
Çfarë kam pasur të datëlindjes 24 dhjetor 1966?
Jam i regjistruar më 8 janar 67 sikur ka qenë koha, diplomën e kam në 66, kam ardhur në Shqipëri në 93 kemi marrë pasaportat e para, me mbiemrin babaj, por në shkollën e kam pasur babani, dhe unë kam marrë pasaportën Mark Babani 8 janar 67 Mark Babani.
Mark Babaj emri i ngatërruar i 93-94.
Nuk kam pasur në jetën time të bëj me asgjë.
Kam qenë me leje qëndrimi deri në vitin 2003.
Në 2003 nuk kisha mundësi se po ndërtoja fabrikën e re. Unë kam hyrë e kam dalë në itali dhe në Evropë, dhe në gjithë botën, lirisht.
Maqedoni?
Ska lidhje absolutisht.
Kam qenë 4 herë, një herë për punët e mia në vitet e para, vjet në Maqedoni kisha ftesë të ministrisë për Investim në Maqedoni, menduam të zgjeronim edhe në Maqedoni, por asnjë lloj problemi.
Janë trillime ta kenë për turp ata që bëjnë trillime për figurën time. Gjysmen e fisit e kemi babaj dhe gjysmën tjetër babani.
Ne nuk e kemi ditur që na kanë regjistruar me 8 janar, unë i kam bërë të gjithë shkollë e ushtri me ditëlindjen e dhjetorit pa e ditur që regjistrimi ishte në janar.
Akuzat janë thjesht për të mbajtur elektoratin e tij, por ata e dinë shumë mirë që figura ime është e pastër.
Këto që po them këtu tek ju do t’i them gjithkund.
Pjesa ime është e verifikueshme se unë jam person që lëviz, jam personi më transparent që mund të ketë bota.
g.kosovari
