“Nuk më besohet që kam arritur 10 milionë mbështetës,” kështu nis postimi i vetëm pak orëve më parë në Instagram i Demi Rose.
Teksa ka publikuar një foto bardhë e zi me të brendshme, ish-e dashura e Tyga ka shprehur mirënjohjen për fansat e saj.
“Ju dua. E dini apo jo historinë time, e vlerësoj të gjithë dashurinë tuaj dhe fjalët e mira. Ju më ngrini lart, dhe unë dua gjithashtu t’ju ngrej po aq lart.Me ngadalë, por me siguri që po bëhem më e fortë dhe personi që duhet të jem. Koha është ilaç dhe po tregohem e duruar me veten time. Do doja t’ju ndihmoja dhe t’ju frymëzoja të gjithëve më shumë. Mjafton të bëni më të mirën tuaj, me ritmin tuaj,” vazhdon modelja britanike. /l.m
