Mijëra ushtarë ukrainas janë larguar nga fabrika e çelikut Azovstal në Mariupol, të cilët sipas Rusisë janë dorëzuar ndërsa nga ana tjetër Ukraina ka deklaruar se janë evakuuar, shkruan skynews.
Po tani çfarë do të ndodhë?
Shumë nga trupat ruse që rrethonin Mariupolin janë pozicionuar diku tjetër. Sa i përket qytetit, Yuriy Ryzhenkov, shefi ekzekutiv i Azovstal tha për gazetën italiane Corriere della Sera: “Rusët po përpiqen ta pastrojnë qytetin për të fshehur krimet e tyre.
“Banorët po përpiqen që qyteti të jetë sërish funksional duke sjellë ujësjellësit. Por sistemi i kanalizimit është i dëmtuar, ka pasur përmbytje dhe ka frikë për përhapjen e infeksioneve nga uji.
Ai tha se nëse do të fillojë puna në fabrikën e çelikut, ukrainasit nuk do të kthehen.
“Ne kurrë nuk do të punojmë nën udhëheqjen e rusëve,” tha ai. TEMA
