Në radhë për të dhënë dorëheqjen. Maqedonia sonte popërjeton natën e dorëheqjeve.
Pas dorëheqjes së ministres së Brendshme Gordana Jankullovska, atij të Transportit Mile Janakieski dhe drejtori i DSK-së, Sasho Mijalkov, nga mediat maqedonase bëhet më dije se pritet dorëheqja e Prokurorit Publik, Marko Zvrlevski.
Këto dorëheqje bëhen pas përplasjes në Kumanovë ku mbetën të vrarë 22 persona, mes tyre 8 policë.
Drejtori i DSK-së, Sasho Mijalkov dha dorëheqjen. Mijalkovi vendimin e tij me shkrim e ka njoftuar edhe kryeministrin Nikolla Gruevski. Kjo është letra e Mijalkovit drejtuar Nikolla Gruevskit, njofton TetovaSot.
“I nderuar Kryeministër,
Nderi më i madh në jetë është që t’i shërbejë atdheun tim Maqedonisë në pozitën e përgjegjshme.
Pozita që mu besua mua e kam kryer në mënyrë patriotike dhe me përgjegjësi, veçanërisht në interes të vendit dhe qytetarëve.
Qytetarët e dinë më së miri se Maqedonia ka suksese të shumta në fushën në të cilën unë veprova. Disa nga këto suksese ishin mit i vërtetë në bisedën në mes të qytetarëve, dhe i flisnin me krenari.
Unë dua të shpreh mirënjohjen time për besimin dhe për që lejuar që të jen pjesë e ekipit, e cila sjell progres për vendin tonë dhe për të mbrojtur interesat kombëtare dhe shtetërore.
Ju keni mbështetjen time të plotë. Në interes të Maqedonisë, duke parë se në qoftë se unë e bëj këtë do të ndihmojë në tejkalimin e krizës politike, të cilën e ka imponuar opozita me sjelljen e saj, duke pasur parasysh se e vërteta dhe argumentet janë në anën tonë dhe e gjitha me kalimin e kohës do të bëhet më e qartë.
Unë dua t’ju informoj se kam dhënë dorëheqjen nga posti i drejtorit të Sigurimit dhe Kundërzbulimit”, thuhet në dorëheqjen e Sasho Mijalkovit”.
