Disa dite me pare, këngëtarja Manjola Nallbani ka festuar ditëlindjen e saj. Sot ajo ka postuar një status ku falenderon miqtë dhe mediat për urimet dhe u sqaron se kjo nuk ishte ditëlindja e saj e 50-të.
“Faleminderit me gjithë zemer, miqve te mi dhe gjithë mediave për urimet në ditën time të lindjes! Ju jam mirënjohëse që sinqerisht, me dashurinë tuaj, ma zbukuruat ditën❤️ Desha vetëm të bëj një saktësim- meqenëse është shkruar që festova 50 vjetorin!
Nuk kanë rëndësi numrat, se unë kam bindjen time që Zoti, siç na ka dhënë mendje, sy për të parë, e çdo gjë tjetër përsosmërisht, do na e kishte vënë dhe diçka në kurriz si orave për të na matur me numra! Në fakt unë besoj që njeriu shpreh moshën e shpirtit të vet..
Megjithatë qoftë edhe sepse se kam mbarë që të mi kapërcejnë kështu😀do thoja, që më duhen dhe paaak vite për t’i bërë të 50-tat. Se kështu i bie që vitin tjetër po të ma shkruajnë moshën tamam të jem më e vogël se sot! Mirë do ishte në fakt😀. Ju përqafoj me dashuri dhe ju falenderoj dhe një herë! ❤️”, ka shkruar në profilin e saj në facebook këngëtarja.
