Raportuesja e Parlamentin Evropian, për Kosovën Ulrike Lunaçek, ka deklaruar se rrugët e Kosovës dhe Serbisë janë të lidhura ngushtë, prandaj dy vendet, duhet të sigurojnë një zhvillim të qëndrueshëm të marrëdhënieve mes tyre, shkruan EWB, cituar nga Zeri.
Lunacek u shpreh e kënaqur me arritjet e Kosovës drejt integrimit në BE si dhe e vlerësoi angazhimin që ka demonstruar Qeveria e Kosovës.
“Muajve të fundit, perspektiva e anëtarësimit të Kosovës në Bashkimin Evropian ka përparuar shumë. Që nga nënshkrimi i Marrëveshjes së Stabilizim-Asociimit (MSA) më 27 tetor 2015, shteti më i ri evropian vazhdoi të tregojë vullnetin e saj drejt një të ardhme evropiane.
Një gjë e tillë u vërtetua edhe me rekomandimin pozitiv për liberalizimin e vizave, prandaj duhet të shfrytëzohet nga kosovarët dhe t’i intensifikojnë përpjekjet lidhur me marrëdhëniet me Serbinë, duke bërë thirrje për zbatimin e marrëveshjeve në mes të Kosovës dhe Serbisë”, ka thënë Lunaçek. (b.an)
