Thomas Tuchel nuk i vlerësoi fjalët e fundit të Romelu Lukakut dhe bëri të ditur në një konferencë për shtyp të premten: “Nuk më pëlqejnë dhe nuk na ndihmojnë”. Por për sulmuesin belg nuk mbaron këtu pasi në Angli janë të bindur se acarimi i trajnerit gjerman ka çuar në një përjashtim të bujshëm të lojtarit nga ndeshja ndaj Liverpool. Prandaj Lukaku nuk do të grumbullohet dhe do ta shohë ndeshjen nga tribuna.
Në fakt, intervista e polemikës nuk do të ishte autorizuar nga blutë, të cilët do të ishin vënë në dijeni vetëm pasi të publikohej. Ndonëse Lukaku është në formë mjaft të mirë, pasi ka shënuar në të dy ndeshjet e fundit, deklaratat e tij nuk janë pritur mirë nga tekniku gjerman, që me lënien jashtë për ndeshjen ndaj Liverpool, kërkon t’i tregojë belgut se skuadra bën edhe pa të.
g.kosovari
