Kryeministri Edi Rama ka reaguar pas rekomandimit të UNESCO për të shpallur Luginën e Vjosës një Rezervat Biosfere. Në një postim në rrjetet sociale, Rama shprehet se ky është një lajm që na mbush me emocion dhe krenari.
Kryeminstri theksoi se kjo është arritur falë një pune të madhe nga Ministria e Turizmit dhe Mjedisit dhe Agjencisë Kombëtare të Zonave të Mbrojtura.
“Vjosa sot nuk është vetëm lumi, por është MODELI i zhvillimit të qëndrueshëm”, shprehet ndër të tjera Rama.
Lajmin më herët e ka bërë të ditur ministri e Turizmit dhe Mjedisit, Mirela Kumbaro, e cila në postimin e saj në Facebook, shprehet se rekomandimi i UNESCO është një vlerësim ndërkombëtar që vjen punës intensive të institucionit që ajo drejton, si dhe Agjencisë Kombëtare të Zonave të Mbrojtura.
“Një lajm që na mbush me emocion dhe krenari pas një pune të gjatë, me një vizion të qartë: #UNESCO ka dhënë rekomandimin zyrtar që Lugina e Vjosës të shpallet Rezervat Biosfere. Është më shumë se një vlerësim ndërkombëtar, është njohja ndaj bukurisë së egër të Vjosës, mirënjohja për njerëzit e atyre trevave që jetojnë në harmoni me natyrën dhe për përpjekjet e përbashkëta në mbrojtjen e lumit të fundit të egër të Europës.
Dhe asgjë nuk ka ndodhur rastësisht, por vjen pas një pune shumë intensive të Ministrisë së Turizmit dhe Mjedisit dhe Agjencisë Kombëtare të Zonave të Mbrojtura, nga vizita e parë e Drejtoreshës së Përgjithshme të UNESCO-s Audrey Azoulay në Vjosë në shkurt 2023, e deri te puna e palodhur e specialistëve të zonave të mbrojtura që ndoqën çdo hap me përkushtim e profesionalizëm.
Vjosa sot nuk është vetëm lumi, por është MODELI i zhvillimit të qëndrueshëm, ku natyra frymëzon ndërsa në shtator të këtij viti pritet miratimi përfundimtar nga Këshilli i Rezervateve të Biosferës të UNESCO-s për përfshirjen e Vjosës në listën e pasurive botërore si një himn për natyrën dhe për njerëzit”, shkruan Rama.
