Kryeministri Edi Rama, gjatë takimit elektoral në Pogradec, është shprehur se Sali Berisha është në hall shumë të madh, teksa tha se për të hequr non gratën ka dhënë 6 milionë dollarë.
Rama e cilësoi kreun demokrat të pashpresë dhe të dëshpëruar, që lufton si i mbyuri pas fijes së barit.
“Ky (Berisha) është në një hall shumë të madh. A e keni parasysh kur thoshte në vuri non gratën Edi Rama me Sorosin. Po ky pse nuk e hoqi non gratën? Për të hequr atë damkën në ballë nxori 6 milionë dollar. 7 herë 7 vajtën 6 milionë. Nga i nxori, ku i gjeti. Këto janë probleme të mëdha që flasin për një njeri të pashpresë, të dëshpëruar. Që Lufton si i mbyturi që kapet pas fijes së barit. Por nuk mund të lejojmë q të bëhet i mbyturi që mbyt. Kjo vlen për demokratët. Duke votuar për 5-sën e ndihmojnë të shkojë në shtëpi, nuk e lënë akoma rrugëve”, tha Rama.
