Sipas burimeve iraniane të cituara nga CNN, të hënën në Islamabad, Pakistan, do të mbahet një raund i dytë i negociatave të paqes midis delegacioneve të Shteteve të Bashkuara dhe Iranit. Shtetet e Bashkuara nuk e kanë konfirmuar programimin e këtyre bisedimeve.
Raundi i parë i negociatave mes dy vendeve u zhvillua të shtunën e kaluar në 11 Prill, pa një ‘produkt’ konkret në lidhje me një marrëveshje, por palët u larguan të hapura për të vijuar bisedimet.
Gjatë kësaj jave që po mbyllet Shtëpia e Bardhë tha se bisedimet kanë vijuar dhe ato janë pozitive, ndërsa vetë Presidenti i SHBA, ka pretenduar të premten se Irani ka pranuar të dorëzojë sasinë e uraniumit që disponon, deklaratë që është hedhur poshtë nga burime të regjimit të cituar nga agjenica e lajmeve Mehr.
