Kryetari i Grupit Parlamentar të LSI-së, Petrit Vasili ka komentuar urdhrin e Kryeministrit Nr. 3900 dt 27.8.2015 për kalimin e Spitalit të Traumës në varësi të Ministrisë së Mbrojtjes.
Në një prononcim për mediat, Vasili u shpreh se ky veprim është një hap pas dhe se do të ndalojë ndryshimin e nisur në këtë Qendër.
“Rikthimi i Spitalit të Traumës në ushtarak në varësi të Ministrisë së Mbrojtjes është një hap prapa, dhe Qeveria duhet të rishikojë me racionalitet këtë vendim të saj” vijoi fjalën e tij Petrit Vasili. “Ky veprim është nonsens me programin e qeverisë për shëndetësinë”, u shpreh Vasili.
Duke e konsideruar një vendim të pakonsultuar me specialistët e shëndetësisë, Petrit Vasili theksoi se ky ndryshim mund të ndikojë në uljen e nivelit të shërbimit për pacientët.
“Me këtë vendim ndalet ndryshimi i nisur në Qendrën e Traumës dhe njëkohësisht do të ulet niveli i shërbimit për pacientët”. Ky vendimi është marrë pa u konsultuar më parë me specialistët e shëndetësisë”, – theksoi Kryetari i Grupit Parlamentar të LSI-së, Petrit Vasili.
