Lëvizja Socialiste për Integrim vijon të mbrojë me fanatizëm ish-Prokurorin e Përgjithshëm Adriatik Llalla. Madje devotshmëria e kësaj force politike në mbrojtje të një ish-zyrtari të niveli të lartë që akuzohet drejtëpërdrejtë për korrupsion, shkon deri aty sa të sulmohet hapur aleati strategjik i Shqipërisë, SHBA.
Kjo ka ndodhur në mënyrë permanente gjatë kohës kur Llalla ishte kryeprokuror dhe ai përpiqej të pengonte reformën në drejtësi, edhe pas mbarimit të mandatit.
Për një ish zyrtar nga Gramshi, partia e Metës është e gatshme t’i bëjë fletrrufe edhe Uashingtonit. Imagjinoni cfarë lidhjesh të forta ka pasur dhe ka mes Metës dhe Adriatik Llallës, saqe edhe në keto orë kur ish kreu i akuzës mund të konsiderohet si një kartë politike e institucionale e djegur, LSI vazhdon betejën per mbrojtjen e tij.
Njëri pas tjetrit, dy zyrtarë të LSI, kryetari i Grupit Petrit Vasili, si dhe ish-ministri Ylli Manjani, kanë lëshuar deklarata të ashpra kundër SHBA, për t’i dalë në mbrojtje Llallës.
Fillimisht ishte Vasili ai që i kërkonte ‘llogari’ Washingtonit të zbardhte çështjet konkrete të korrupsionit dhe emrat që ka mbrojtur Llalla.
Ndëkorhë, edhe më i ashpër ishte ish-ministri Ylli Manjani. Ai akuzonte hapur Departamentin e Shtetit se po persekutonte Llallën. Ai shkon deri aty madje sa krahason regjimin diktatorial të Enver Hoxhës me SHBA-në. Sipas tij, “sot persekutohet po familjarisht, madje edhe pa gjyq, nga Ambasada Amerikane dhe nga DASH”.
Deklarata e Manjanit kundër SHBA:
“Ironi e madhe e fatit!
Adriatik Llalla u persekutua familjarisht nga rregjimi i Enver Hoxhës.
Sot persekutohet po familjarisht, madje edhe pa gjyq, nga Ambasada Amerikane dhe nga DASH.!
Këto janë faktet e vetme që shohim ndaj familjes Llalla. Të tjerat janë komente, dyshime e hamendësime.
Me dyshime e hamendësime, pra pa prova të vërtetuara gjyqësisht, kishte dhe ka një radhë shumë të gjatë VIP-sh, përpara Adriatik Llallës, që duhen ndëshkuar…
Parimet e demokracisë na mësojnë se personi dënohet gjyqsisht që të quhet fajtor! Pra mirë do ishte ta dinim se cfarë korrupsioni “të rëndë” ka bërë zoti Llalla, që tja hiqnim vizën edhe ne!
Deri më sot nga perëndimi kishim mësuar se askush nuk ndëshkohet me hamendësime!
Tani sjemi më të sigurtë…
I bie që rregjimi i Enverit paska qenë “largpamës”….
Shumë e çuditshme”, shkruan Ylli Manjani./a.m.
