Rastësi apo e planifikuar ende nuk dihet, por e vërteta është që gjatë fjalës së Ramës sot në Kuvend nuk ka qenë i pranishëm asnjë përfaqësues i LSI.
Në sallë nuk ishte Kreu I Kuvendit, as ministrat e LSI, por as edhe deputetët e aleatit strategjik të PS duke tërhequr vëmendjen e PD, që përmes Jozefina Topallit kërkoi fjalën pas asaj të Ramës duke I kërkuar kryeministrit që të japë dorëheqjen dhe vendi të shkojë në zgjedhje të parakoshme, pasi sipas saj qeveria e ka humbur legjitimitetin.
“Zoti Rama je në vitin e tretë të qeverisjes, por stërzgjatja e tij që s’ka asnjë lidhje me Parlamentin ngjason me një të folur në kabare, sot kryetari i Parlamentit, ministrat e LSI e kanë bojkotuar qeverinë e një milion shuplakave, sot qeveria ka rënë.
Ky është thelbi i zgjatjes në sulme, mashtrime, kërcënime që i bën opozitës. Kur s’ke më vota, është mirë të shkohet në zgjedhje të parakohshme”, deklaroi Topalli.
