Gjykata e Tiranës rikthen sërish çështjen e byzylykëve të mbikëqyrjes elektronike të personave që u kufizohet lëvizja për shkak të veprave penale që dyshohen se kanë kryer.
Pas denoncimit të skandalit me byzylykët elektronikë nga ish-ministri teknik i Drejtësisë, Gazment Bardhi në gusht të këtij viti, çështja ju referuar për hetime Prokurorisë së Tiranës. Por kjo e fundit vendosi mosfillimin e procedimit. Byzylyket jane blere nga ish ministrat e Drejtesise te LSI.
Ky vendim i prokurorisë u ankimua më pas nga ministrja e aktuale e Drejtësisë, Etilda Gjonaj dhe Gjykata e Tiranës vendosi të pranojë këtë ankim duke urdhëruar Prokurorinë që të regjistrojë procedimin penal për byzylykët e mbikëqyrjes elektronike. Një ditë më parë Ministrja e Drejtësisë kërkoi që çështjes ti shkohet deri në fund.
“Nuk mund të bëj koment mbi një vendim prokurorie kur ende nuk kanë mbaruar të gjitha hallkat e sistemit gjyqësor së shqyrtuari çështjen. Në tetor 2017 unë si Ministre Drejtësie kam ankimuar vendimin e prokurorisë në gjykatën e Tiranës meqenëse ishte një vendim mosfillimi. Ne mendojmë që ka prova të cilat kërkojn një hetim nga prokuroria. Le ti mbetet gjykatës për të marrë vendimin lidhur me këtë vendim të prokurorisë”, tha ajo.
Më konkretisht, Prokurorisë i kërkohet të verifikojë dyshimet se byzylykët elektronikë që janë dorëzuar nga bashkimi i operatoreve nuk janë funksionale. Ky dyshim lindi pasi ish-ministri teknik Bardhi konstatoi se byzylykët elektronikë, që ishin blerë nga ministria qe drejtohej nga LSI, nuk mbaheshin nga qendra e mbikëqyrjes elektronike në Ministrinë e Drejtësisë, por nga bashkimi i operatoreve, të cilët ja kishin shitur institucionit.
Pas denoncimit të këtij rasti në gusht të këtij viti, ministri teknik Bardhi urdhëroi fikjen e shërbimit të mbikëqyrjes elektronike për gati 90 persona që mbanin byzylykët, pasi ishin evidentuar raste që personat e kishin hequr byzylykun pa u konstatuar nga salla e mbikëqyrjes.
ma.me
