Barbara Jatta, drejtoresha e muzeve të Vatikanit, ka shprehur shqetësimin e saj lidhur me mungesën e ndjeshmërisë kulturore të vizitorëve.
Gjatë një interviste për DPA-në, Jatta përmendi disa raste kur vizitorët ngjisnin çamçakëzin nën tavolinat prej druri të shekullit XVII.
“Çdo ditë, personeli i pastrimit mund të gjejë të gjitha llojet e objekteve që hidhen nga vizitorët. Shishe gjysmë të zbrazëta, gjysmë të mbushura me ujë, që tregon një mungesë të theksuar të kulturës”, deklaroi ajo.
“Edhe vizitorët e kultivuar dhe elegantë, të cilët kanë qënë të ftuar zyrtarisht në muzeun e Braccio Nuovo, në të njejtën mënyrë kanë vepruar”, tha Jatta, një historiane arti.
Deklaratat e saj vijnë një vit pasi papa Françesku e emëroi atë si drejtoreshën e muzeve të Vatikanit, e para grua që drejton muzetë më të vizituar të botës./b.d
