Partia Socialiste po mban sonte në Vlorë takimin e fundit elektoral duke mbyllur kështu fushatën 1-mujore.
Mijëra qytetarë marrin pjesë në takim, ndërsa në fjalën e tij, kryeministri Edi Rama tha se mbështetja që i qytetarët i japin kandidatëve socialistë është mesazhi një i jepet një Shqipërie të tërë për ditën e diel.
“Çdo shqiptar duhet ta dëgjojë sot mesazhin e kryeqytetit të historisë. Duhet të dëgjojë zërin e shpresës dhe ëndrrave që të fundosim njëherë e mirë Shqipërinë e frikës dhe kërcënimeve.
Kurrë më parë në historinë politike të vendit nuk kishte ndodhur ajo që ka ndodhur këtë vit. Kurrë më parë në histori pavarësisht momenteve dramatike, nuk kemi parë një opozitë si kjo që po shohim keq e më keq, mjerë e më mjerë. Nuk është parë që Parlamenti të kthehet në një mejhane të dehurish që gjuajnë me çfarë t’u bjerë në dorë. Me vezë, me çizme, me shishe uji, kapsolla dhe fishekzjarre” –tha ai.
Kreu i PS thumboi edhe Sali Berishën.
“Po të ishte Saliu sot, do thoshte janë dy milionë në shesh. Nuk janë dy milionë, por janë 20 mijë! Dhe nuk janë punonjës bashkish, por bio nga Vlora” – tha Rama.
Ai deklaroi se PS ka gabimet e veta por në fund të fundit sipas Ramës nuk ka akoma një parti më të mirë se PS.
Rama iu drejtua edhe opozitës duke thënë se ata nuk mund ta ndalin drejtësinë.
“Nuk kemi bërë gjithçka për të qenë të qetë. Kemi bërë gabime e kemi kusuret tona. Por ka një gjë të rëndësishme kur gjykon punët e një qeverie. Gabimet janë bërë si rezultat i pamundësisë për të bërë gjënë e duhur.
Nëse je kryeministër dhe thua ajo fabrika duhet të çmontojë municione dhe nuk duhet të shkojnë taksat e tatimet… për sa kam qenë dhe do të jem në detyrë nuk do të bëjë firma për ti bërë dëm vendit për ti lënë një njollë kombit duke përfituar. Asnjëherë!
Ne nga qielli nuk kemi rënë… Më të mirë se ne ky vend s’ka pasur nuk ka dhe nuk ka për të patur edhe për shumë kohë. Ju nuk e ndalni dot drejtësinë. Po ju lë më një mesazh për demokratët e Vlorës. Unë sot s’do iki do rri dhe nesër, pasnesër do iki në Tiranës. A e kupton si erdhi puna.
Ju them të shikosh me sytë e mendjes se partia jote nuk ka të nesërme nëse ti nuk bëhesh bashkë me ne për t’i dhënë mësimin se nuk mund të tallet me ty. Duke të dëmtuar drejtpërdrejt ty. Mblidh mendjen dhe mos shko më pas berihajit. E kanë ata fajin që të trajtuan si skllav. O zgjidh Dritan Lelin ose rri mirë e urtë si demokrat. Kërkesa është ta themi bashkë. Rroftë Vlora!” – tha Rama.
