Trajneri i Kombëtares, Silvinjo, ka dalë në konferencë për shtyp, në prag të gurmbullimit për ndeshjet “play off”.
Pas publikimit të listës me 26 lojtarë, tekniku kuqezi sqaroi zgjedhjet e bëra.
“Ne jemi rritur shumë. Kemi bërë rrugëtim të bukur. Shpresojmë të shkojmë në Botëror. Ne kemi parë ndeshjet e Polonisë. Kanë bërë shumë mirë. Kanë një trajner të mirë dhe janë skuadër kompakte. Jemi rritur ne, por edhe ata. Kemi lojtarë që kemi kënaqësi t’i shohim. Ndonjëherë ne si staf, jemi pak xhelozë për lojtarët e rinj, për cilësitë teknike dhe për atë që mund të bëjnë në fushë. Jam i lumturi që jam trajner i kësaj skuadre. Ndaj Andorrës kishte zhbllokim nga hyrja e Bajramit. Kështuqë ne jemi një dhe të gjithë lojtarët mund të bëjnë maksimumin në këtë ndeshje”, tha Silvinjo.
Për Shqipërinë është një moment historik, pasi ka mundësinë që të shkojë në Botëror për herë të parë.
Kuqezinjtë sfidojnë Poloninë në Varshavë më 26 mars dhe në rast fitoreje, do të përballen më 31 mars, me fituesin e Ukrainë-Suedi.
Silvinjo: Broja në qendër? Nuk e di ende gjendjen e tij
“Kemi kohë që jemi pas Pilo. Aliji ka pasur një ndërhyrje kirurgjikale dhe ka bërë mirë me Kombëtaren. Duhet ta shikojmë dhe ta vlerësojmë. E shoh si mundësi që iu jepet lojtarëve.
Sa i përket Brojës si sulmues qendre. Ka kohë jashtë. Nuk e di ende. E lidh me vlerësimin që duhet të bëjmë. Nuk e di gjendjen ende. Do i vlerësojmë kur të vijnë në grumbullim. Është e rëndësishme që në fushë të hyjnë ata lojtarë që të vënë kundërshtarin në vështirësi. Edhe ata që futen nga stoli, mund të bëjnë diferencën.”
