Lirimi i Jamarbër Malltezit, reagon Berisha: Dhëndri bëri 2 vite burg politik

Kreu i PD-së, Sali Berisha ka komentuar vendimin e GJKKO-së për lirimin nga arresti shtëpiak të Jamarbër Malltezit.

Berisha u shpreh se dhëndri i tij ka bërë 2 vite si i burgosur politik në shtëpi, sipas tij, pa shkelur asnjë ligj dhe rregull të shtetit.

“I vetmi që ka shkelur ligjin është Edi Rama nga qindra punonjës që kanë firmën në atë proces nga viti 1994 deri në 2009, njeriu i vetëm që është shkelës i ligjit dhe është dënuar nga gjykata e 3 shkallëve pas vitit 2013 është Edi Rama”, theksoi ai.

Berisha u shpreh se “është mbajtur Jamabër Malltezi në një akt hakmarrje si një nga personat më të parë që u tha shqiptarëve se afera e djegsave është afera më korruptive gjeratëhershme”.

Sali Berisha: Jamarbër Malltezi ka bërë 2 vite i burgosur politik në shtëpi. Në mënyrë absolute, pa shkelur asnjë ligj, rregull e standard të këtij shteti.

Me një dosje piramidë mashtrimi, në të cilën i vetmi njeri, me qindra që kanë firmën në atë dosje, i dënuar nga Gjykata është Edi Rama, i dënuar me 320 mijë euro.

I vetmi që ka shkelur ligjin është Edi Rama nga qindra punonjës që kanë firmën në atë proces nga viti 1994 deri në 2009, njeriu i vetëm që është shkelës i ligjit dhe është dënuar nga gjykata e 3 shkallëve pas vitit 2013 është Edi Rama.

Pra, është mbajtur Jamabër Malltezi në një akt hakmarrje si një nga personat më të parë që u tha shqiptarëve se afera e djegsave është afera më korruptive gjeratëhershme, si një njeri zyrtar i kësaj partie që publikoi nga 2014 300 e ca statuse në FB, ku kishin në epiqendër Ramën apo kreun e krimit të shekullit.

Për të gjithë këta, Rama me mercenarët e tij, e mbajtën si  hakmarrje 2 vite në arrest shtëpie.