Seanca gjyqësore e ndërprerë ndaj Fatmir Limajt dhe të tjerëve për shkak të problemeve të Limajt me dhëmballet, ka rinisur në Pallatin e Drejtësisë. Limajt i është lexuar aktakuza me të cilën ai rrezikon të dënohet deri në 10 vjet burg. Limajt i janë lexuar 14 faqe aktakuzë dhe 4 faqe të tjera janë lexuar ndaj të akuzuarve tjerë. Lidhur me rastin e Limajt, Prokuroria ka prezantuar tetë dëshmitarë, në mesin e të cilëve janë Hasan Preteni dhe Adem Grabovci.
Limaj është rënduar me akuzat për krim të organizuar, shpërdorim të detyrës zyrtare, marrje të ryshfetit dhe vepër penale për mos-raportim të parasë. Për këto akuza, Limaj mund të dënohet deri në 10 vjet burgim. I pyetur nga gjyqtarja e rastit nëse e kupton aktakuzën, Limaj tha se që katër herë po i lexohet e njëjta aktakuzë dhe se për pesë vite po merret me këtë.
