Senati rumun i dha dritën jeshile arrestimit të ish-ministrit socialdemokrat, Dan Sova i akuzuar për korrupsion në një çështje që lidhet me kontrata mashtruese të asistencës ligjore.
Në tërësi 95 senatorë votuan në mbështetje të kërkesës së Prokurorisë Antikorrupsion (DNA), e cila kërkon vendosjen e Sovas në periudhë paraburgimi, ndërsa 30 të tjerë votuan kundër këtij vendimi. Sova, 42 vjeç, ministër prej tre mandatesh midis vitit 2012 dhe 2014 është i dyshuar se ka ndërhyrë pranë drejtorit të kompanisë energjetike ”CET Govora” për ta bindur për nënshkrimin e disa kontratave me një firmë ligjore.
Senatori kishte kërkuar 100 mijë euro në këmbim të ndërhyrjes së tij, midis vitit 2011 dhe 2014.
