Zonja e Parë e Amerikës Melania Trump ka thyer heshtjen mbi thashethemet e problemeve martesore me Donald Trump pas spekulimeve rreth besnikërisë së bashkëshortit të saj.
Zëdhënësja e saj, Stephanie Grisham tha se raportimet që Melina Trump është larguar nga Shtëpia e Bardhë, pas rrëfimit të një ylli pornografie se ka pasur marrëdhënie me presidentin e Amerikës, janë të rreme.
Zj. Trump anulloi planet për t’iu bashkuar Presidentit në samitin ekonomik në Davos këtë javë. Vendimi i saj për të mos udhëtuar u njoftua në përvjetorin e 13 të martesës së çiftit, një ditë para se Z. Trump të fluturonte në Zvicër. Dhe dyshimet mbi largimin e Melania Trump u shtuan edhe më tepër pasi përvjetori i tyre kaloi pa përmendur publikisht nga Presidenti apo Zonja e Parë.
Daily Mail njoftoi se zonja Trump ka kaluar shumë net në një hotel në Washington pas rrëfimit të Stormy Daniels, që pretendonte se ka qenë në një lidhje me Trump në vitin 2006, pak kohë pasi u martua.
Pak orë pas publikimit të artikullit drejtori i komunikimeve të Zonjës së Parës hodhi poshtë thashethemet.
Ajo është e përqendruar te familja e saj dhe roli i saj si Zonjë e Parë e Amerikës, jo tek skenarët jorealistë që po shpërndahen çdo ditë nga lajmi i rremë”
a.ç
