Kryeministri Edi Rama ishte ditën e sotme në Librazhd, ku pati një takim me fermerët e kësaj zone, duke u treguar se si mund të kenë sukses ata, dhe i gjithë fshati. Ai u sugjeroi fermereve që të bashkojnë dijet në prodhimet bujqësore, çka sipas tij, nuk duhet të përkthehet bashkim tokash, por bashkim forcash dhe idesh. Nga ana tjetër, kryeministri u garantoi atyre mbështetjen e qeverisë si dhe të bashkive.
“Sot suksesi është rezultat i bashkimit, kudo ku ka sukses sot në fshat, suksesi nuk është personal , individual. Kjo nuk do të thotë hajde të bashkojmë tokat, por të bashkojmë mendjen dhe forcat secili në tokën e vet, secili në ato dynym apo ato hektarë që ka. Por ama me një ndërveprim dhe një vendimmarrje, çfarë do prodhojmë dhe do e shesim sëbashku.
Nëse jemi të ndarë, dy dynym këtu, tre atje jemi pre e grosisteve që vijnë dhe o na e marrin për 5 lekë ose nuk na i marrin fare. Apo më keq akoma jemi pre e paditurisë me prodhime që na ngelen nëpër shtëpia që kalben dhe hidhen në lumë. Në bujqësi historia e zhvillimeve në BE dhe kudo ku ka suksese tregon se është dija e para, të dish, të jesh i informuar se çfarë kërkon tregu, çfarë është më e mira që mund të bëhet në këtë zonë dhe pastaj të jesh i bashkuar në shitje në mënyrë që të ofrosh sasi të madhe dhe të kontrollosh ti çmimin jo të vinë të ta vendosin të tjerërt çmimin edhe të kapin në hall se mund të të mbetet malli.”, -tha Rama.
ma.me
