Një incident i rëndë është regjistruar sot në mbrëmje në fshatin Kooperativë ne Rrilë të komunës së Shënkollit në Lezhë me deputeten e LSI-së Monika Kryemadhi.
Deputetja, e shoqëruar dhe nga anëtarë të stafit elektoral të kandidatit Viktor Tusha, ka qenë duke dalë nga shtëpia e një banori të këtij fshati, me inicialet T.GJ, i njohur si përkrahës i PD. Personi i identifikuar si Tonin Fizi (person me precedent penale) i shoqëruar nga disa kusherinj të tij dhe kandidati i PD-së Fran Frroku, në një makine tip Opel me ngjyrë gri kane qëlluar me armë zjarri ne ajër pranë makinës me të cilën po udhëtonte zonja Kryemadhi,anëtarë të shtabit elektoral dhe vajza e saj Bora. Per fat nuk ka patur të lënduar nga kjo ngjarje e rëndë.
Me këtë rast, shtabi elektoral i kandidatit Viktor Tusha dhe deputetja e zonës Monika Kryemadhi i bëjnë thirrje qytetarëve dhe banorëve të Lezhës që të ruajnë qetësinë dhe i sigurojne ata se procesi i 21 qershorit do te jete pasqyre e paster e votes se tyre.
Zonja Kryemadhi i kerkon dhe njehere deputetit te PD-së Aldo Bumçi te distancohet nga personat e inkriminuar qe udhetojne me makinen e tij dhe mbajne aty arme pa leje duke terrorizuar jo vetem banoret e zones, por dhe duke ushtruar presion tek votuesit per blerjen e votave per kandidatin Fran Frrokaj.
Me depozitimin e kallzimit per kete ngjarje te rende ne drejtorine e policise ne Lezhe,shtabi elektoral i zotit Viktor Tushaj dhe deputetja e zones i kerkojne forcave te rendit qe te ushtrojne kontroll te rrepte per te siguruar qetesine e banoreve dhe sigurine per diten e zgjedhjeve.
Ata kerkojne qe te hetohet cdo makine me targa te dyshimta apo pa targa (sic eshte rasti i makinave me te cilat qarkullojne kandidati demokrat dhe shoqeruesit e tij) dhe te kontrollohet cdo mjet i dyshuar per mbajtje te armeve pa leje. Edhe njehere shtabi elektoral i Kandidatit Viktor Tushaj i kerkon kandidatit te PD te terheqe bandat qe ka leshuar ne rruget e Lezhes dhe fshatrat perreth pasi do ta kete te pamundur jo vetem te trembe banoret dhe qytetaret me ane te dhunes por dhe kaq te pamundur do ta kete te shkembeje pará me voten e lezhjanëve.
