Lewis Hamilton është shprehur i indinjuar në Twitter për trajtimin që i kanë rezervuar në kazinonë Sky City në Auckland të Zelandës së Re.
Hamilton ka qenë i veshur me kapele e syze, të cilat nuk lejohen në kazino.
“Mos shkoni kurrë në Sky City kazino në Auckland, ata më trajtuan si pleh. S’mund ta besoj sa vulgarë ishin. Eksperienca më e keqe që kam pasur ndonjëherë në kazino”, shkruan Hamilton.
Ndërkohë, nga llogarija e kazinosë në Twitter vjen përgjigja se “ndjejmë keq
ardhje që Lewis Hamilton nuk ia ka kaluar mirë te ne mbrëmë. Ne mburremi me mikpritjen tonë, do të flasim me Hamilton për t’u sqaruar”.
Në fakt, nuk është hera e parë që Hamilton zgjedh veshjen e gabuar në vendin e gabuar. Vitin e kaluar, ai nuk u lejua të hynte në lozhën mbretërore në Wimbledon për turneun e tenisit, pasi kishte shkelur kodin e veshjes, që kërkon kostum e kollare, duke u paraqitur atje me këmishë me lule.
