Edmond Doda, i arrestuar dy ditë më parë në Laç, më (24 gusht), i shpallur në kërkim nga autoritete italiane pasi akuzohet se është pjesëmarrës në një organizatë kriminale të përbërë nga të tjerë shqiptarë, kishte importuar nga Holanda në Milano 6 ton kokaine.
42 vjeçari, i cili prej 10 vitesh ishte në kërkim, u arrestua në qytetin e Laçit me qëllim ekstradimin drejt Italisë pasi ishte shpallur në kërkim ndërkombëtar nga Interpol Roma.
Sipas mediave italiane, Edmond Dodaj ka punuar për Forcat Speciale në Shqipëri, ndërsa në vitin 2019 u dënua për trafik kokaine.
Hetuesit italianë janë në pritje të ekstradimit të shqiptarit, por mbetet për ty parë nëse gjykata do të mund t’i hapin rrugë ekstradimit të tij dhe ta hipin në një avion drejt Milanos.
Ndaj tij gjykata e Milanos kishte lëshuar urdhër-arresti ndërkombëtar, për veprën penale “Grup kriminal në fushën e trafikimit të narkotikëve”, parashikuar nga Kodi Penal italian./m.j
