Nga Mero Baze/
Alice Elizabeth Taylor nuk mund të ndalohet të jetojë në Shqipëri. Ajo është një blogere që punon për shtypin rus nga Shqipëria e punësuar po ashtu në një portal pranë Partisë Demokratike, drejtuar nga këshilltari politik i Lulzim Bashës, dhe me sa duket krijon një sfond të dyshimtë për shërbimet e sigurisë lidhur me ndikimin rus në Shqipëri, por kjo nuk është arsye që ajo të mos lejohet të jetojë në Shqipëri.
Leja e saj e qëndrimit nuk është rinovuar dhe sipas burimeve konfidenciale, shërbimet e sigurisë nuk kanë dhënë miratimin, por kjo pengesë duhet tejkaluar për disa arsye.
Së pari fakti që blogerja punon për shtypin rus nga Shqipëria dhe ka qenë e përfshirë në një reportazh propogandistik të Rusian Today më 16 shkurt, nuk flet për rrezikshmërinë e saj si reportere, por për nivelin e propagandës së shtypit rus dhe besushmërinë e tij.
Ajo mund të jetë blogere jo profesionale por kjo nuk është arsye pë ta larguar nga Shqipëria. Në Shqipëri ka qindra gazetarë të dobët të paaftë dhe shpesh agresiv ndaj vendit të tyre, por ata i kemi mes nesh dhe nuk mërzitemi. Berisha na ka pas shpallur dikur pucistë dhe donte të na dënonte për grusht shteti, apo te zbonte Carlo Bolinon si agjent italian, por kjo është një gjë që i shkon vetëm atij.
Veprimtra e saj gazetareske nuk duhet të përbëj kurrë një arsye për ta larguar nga Shqipëria. Ajo është thjesht ilustrim i shtypit propogandistik të opozitës dhe asaj cfarë i intereson shtypit rus për Shqipërinë, por jo një arsye për të mos ja rinovuar lejen e qëndrimit.
Së dyti zonja në fjalë sic mësohet bashkëjeton me një qytetar shqiptar dhe pret një fëmijë. Ajo do të jetë së shpejti nëna e një fëmije shqiptar dhe kjo është një arsye e mjaftueshme sociale që ajo të jetoj në vendin tonë si pjesë e shoqërisë shqiptare. Askush nuk mudn t’ia mohoj asaj të drejtën të jetoj këtu, ndërkohë që pret një fëmijë shqiptar. Ndaj cdo procedurë e bllokuar ndaj saj duhet parë me kujdes edhe në këtë aspekt. Ajo thjeshte duhet te demonstroj qe paguan taksat per te ardhurat prane portalit te PD, apo deklaron te ardhurat e saj si reportere e shtypit rus dhe nuk duhet te kete asnje pengese.
Së fundmi cfarë është dhe më e rëndësishme, nuk dua të kuptoj cfarë faktesh ka në dosjen e saj, që e pengojnë të rinovojnë lejen e qëndrimit, por Shqipëria nuk rrezikohet nga korespodentë publik të shtypit rus, qofshin dhe anonimë, apo te pakredituar sipas rregullave. Shqipëria ka plot politikanë pro rus që e kanë të hapur
veprimtarinë e tyre dhe kjo nuk i penalizon ata.
Presidenti i Republikes eshte nje i perfolur prej tyre. Ndërkohë Kryetari i opozitës Lulzim Basha është në hetim në SHBA dhe Skoci për pagesa nga lobistë rus dhe letërporosia ka ardhur në Tiranë prej disa muajsh. Prokuroria e Tiranës ende nën pushtetin e opozitës ka neglizhuar deri më sot ta marrë në pyetje edhe pse ja kërkon SHBA dhe Skocia.
Pra kur ne kemi politikanë të këtij niveli me letra të qarta nën hetim si pro rus, si mund të merremi me një blogere dhe ti mohojmë të qëndroj në Shqipëri. Nga ana tjetër Shqipëria ka qindra gazetarë të papërgjegjshëm që i bëjn dëm Shqipërisë duke qenë shqiptar dhe nuk ngeli të na prish imazhin një blogere që ka ardhë këtu për qejf të vet apo për hall të vet. Lereni Alicen të shijoj jetën në Shqipëri , të rris fëmijën e saj këtu dhe të provoj të bëj dicka të mirë për Shqipërinë .
Cdo gjë tjetër përvecse ndonjë cështje kriminale, nuk mund ta largoj atë nga ky vend. Do të ishte mirë që vet qeveria tia përtërinte lejen. Në mos jo gjykata duhet të vendos pro saj, bazuar në lirinë që Kushtetua i jep cdo kujt për tu shprehur dhe për të shkruar në këtë vend atë që mendon. Nuk besoj se e keqja Shqipëris ëi vjen nga një blogere e huaj që gjendet në Tiranë qoftë dhe për të raportuar për shtypin rus. E keqja mund të na vij nëse devijojmë nga rruga drejt Perëndimit qoftë dhe nga ndikimi rus. Dhe këta mund të na e bëjnë politikanët dhe jo blogjet.
