Zlatan Ibrahimovic ka falënderuar tifozët e Suedisë pas pensionimit me kombëtaren.Sulmuesi 34-vjeçar mbrëmë zhvilloi ndeshjen e fundit me Suedinë, ku kombëtarja e tij pësoi humbje me rezultat 1-0 ndaj Belgjikës, e cila i rezultoi me eliminim nga EURO 2016.
Ibrahimovic ka shënuar 62 gola për kombëtaren dhe nga shumë tifozë të Suedisë konsiderohet si futbollisti më i mirë suedez i të gjitha kohërave. Ibrahimovic në Instagram ka shkruar një mesazh ku ka folur për krenarinë që ka pasur të luajë për Suedinë.
“Unë jam Suedi. Faleminderit të gjithë popullit suedez – pa ju kurrë nuk do të isha i aftë të realizoja ëndrrat e mia. Gjithmonë do tëju kem në zemrën time verdhekaltër. Ju dua”, shkroi Ibrahimovic në mesazhin emocionues në Instagram. /Gazeta Blic/a.k
