Forcat special RENEA kanë ekzekutuar pak minuta më parë të shumëkërkuarin, Petrit Dushi. Operacioni për kapjen e tij është zhvilluar në fshatin Gziq, Lezhë. Thirrjeve të policis për t’u dorëzuar Dushi mësohet se i është përgjigjur me armë. Në këto kushte RENEA shtë detyruar të hapë zjarr duke lënë të vdekur Dushin. Ky i fundit ishte person në kërkim prej kohësh nga policia dhe konsiderohej si person me rrezikshmëri të lartë.
Njoftimi i Policisë:
Petrit Dushi nga Kaçinari i Mirditës nuk është një emër i panjohur për Policinë e Shtetit.
13 vite më parë pas një debati për motive pronësie 44-vjeçari ekzekutoi një bashkëfshatar të tijin, pikërisht në ditën që ky i fundit martonte të bijën. Prej asaj kohe ai jetonte në arrati në malet e Mirditës, ndërsa në tetor të 2013 kreu vrasjen e dytë. Viktima këtë herë ishte daja i babait tij, Mark Jaku, nga fshati Ungrej, i cili e kishte strehuar për disa kohë gjatë arratisë.
Ai ka qëlluar ndaj policisë me armë edhe gjatë një ndjekjeje në 15 shtator të vitit 2015. Aso kohe ai ishte në ndjekje nga RENEA në fshatin Orosh, por mundi të largohet drejt një zone të pyllëzuar, nga ku qëllonte me breshëri kallashnikovi. Ndërkohë kërkimet ndaj vijuan dhe policia e ekzekutoi sot pasi ai iu përgjigj sërish me zjarr urdhrit për tu dorëzuar.
