Kuvendi është përfshirë nga debate të forta mes kryeministrit Rama dhe opozitës. Teksa shefi i qeverisë ishte në foltore, gjatë replikës së tij me ish-kryeministrin, ka ndërhyrë deputeti i PD, Flamur Noka, duke u turrur drejt foltores.
Noka ka penguar fjalën e Ramës dhe është dashur ndërhyrja e gardës. Gjatë kësaj kohe kryeminsitri i është drejtuar Berishës
“Kush është ky mo, nga e keni gjetur?
Nga ç’pyll ka dalë ky mo?
Sali, nga cili pyll e ke nxjerrë këtë”
Pas debatit seanca është ndërprerë, ndërsa Ruçi njoftoi përjashtimin e Nokës nga seanca.
Kryeparlamentari Ruçi i tërhoqi vëmendjen pesë herë rresht, por Noka vijoi të replikojë i ngritur në këmbë në foltoren ku fliste kryeministri Edi Rama.
***
Kuvendi është përfshirë nga debatet lidhur me situatën e krijuar nga përmbytjet. Pas akuzave nga deputeti i PD Edmond Spaho për lënien në mëshirë të fatit të personave të prekur, përgjigja ka ardhur nga kryeminsitri Rama.
Ai i’u referua situatës që gjeti mazhoranca e majtë në 2013-ën në Emergjencat Civile.
Rama ka replikuar me demokratët lidhur me ndihmat e përmbytjeve të fillimdhjetorit.
Ai tha se nuk ka kërkuar ndihma nga askush, duke thënë se janë ata përgjegjës për ndërtimet pa leje.
“Profesor, pyeti ata që e dinë sa bëjnë 7 x 7. Kur keni mikrofonin në gojë shumëzoni siç ju thotë partia, jo tabela. E more me britma të mëdha sot e the shumë gjëra që janë vërtetë nën nivelin tënd profesor, e ule shumë nivelin, e përmbyte komplet rrjedhën e logjikës. Fole këtu sikur sapo zbritët së bashku nga një anije kozmike e mbërritur nga hëna. Ndaj u them gjithmonë, kur u dëgjon juve, po mos t’ju njohësh thua: sot erdhën këta nga Hëna. A thua se nuk ishit ju këtu kur ndërtohej në mes të lumit, kur propagandohej mrekullia e tetë e botës, se kështu e keni quajtur, ndërtimi pa leje mrekullia e tetë e botës. Ju keni ndërtuar një qytet të tërë pa leje. Ndërtimin në lum, dhe për lum e sollët ju. E bëtë Shqipërinë arst unikal, dhe tani vini këtu kërkoni llogari, a thua se ju ishit në Hënë. E të gjitha ndodhën këto pa yryshin tuaj anti-shtet që e bëtë shtetin karikaturën më qesharake. Dhe vini flisni këtu për ndihmat, po ju ikët nga pushteti pasi hëngrët të gjitha groshët dhe gjithë orizin e rezervave të shtetit e bëtë pilaf për vete. Ju morët e çizme, po çizmet pse i morët, se mirë groshën e keni ushqim të preferuar, nuk jetoni dot pa pilaf ju. Tani thoni çne këto ndihma. Ta mësosh profesor (Spahos) ne nuk i kemi kërkuar ndihma askujt por kemi falenderuar çdokën që është afruar të na ndihmojë”, deklaroi Rama.
Rama tregon takimin me Voltana Ademin dhe sfidon opozitën
Kryeministri Edi Rama ka sfiduar deputetët e opozitës lidhur me një projekt të qeverisë Berisha për bypassin e Shkodrës.
Duke iu referuar përmbytjeve, Rama tha se gjithçka ndodh sot vjen si pasojë e investimeve të munguara në kohën e demokratëve.
Duke iu referuar projektit të bypass-it të Shkodrës i është ankuar në zyrë dhe vetë kryebashkiakja e Shkodrës, Voltana Ademi. Rama theksoi se Ademi i ka kërkuar ndryshimin e projektit të qeverisë Berisha.
“Po të mos ishin bërë ato investime do kishim pasur një situatë tragjike, investimet tona kanë krijuar kushtet për të qenë më shumë të mbrojtur. Ju nga përmbytja e Shkodrës nxorët atë by pass-in e Bunës që ka ngritur tërë demokratët me në krye Voltana Ademin. Ata kërkojnë të ndryshohet projekti. Kryetarja e Bashkisë së Shkodrës ka ardhur tek unë dhe ka kërkuar të ndalohet projekti dhe qeveria ta ndryshojë”,- tha Rama.
Kryeministri sdifoi ish kryebashkiukun e Shkodrës, aktualisht deputet i PD që të mbajë qëndrimin lidhur me këtë projekt.
“Lorenc hajde dil këtu dhe mbaj qëndrimin tënd për bypassin e Bunës që projektoi Saliu, por që kryebashkiakja e Shkodrës dhe e gjithë Shkodra po kërkon që të ndryshohet. Hajde dhe flit këtu” deklaroi kryeminisitri.
Kryeministri deklaroi se nuk janë hapur rezervuaret, këtë informacion e ke nga kazani dixhital i Saliut
Përmbytjet tek City Park/ Rama – opozitës: Faji juaj, keni dhënë leje ndërtimi mbi kolektor
Prokuroria prej disa ditësh ka nisur hetimet për përmbytjet tek City Park në autostradën Tiranë – Durrës, ndërsa Kryeministri Edi Rama ka zbuluar disa detaje.
Gjatë replikave me opozitën në Parlament, Kryeministri Rama deklaroi se shkaktar i përmbytjeve në autostradë, është dora e njeriut.
Sipas Ramës, në atë zonë është ndërtuar mbi kolektor dhe për këtë ka fajësuar opozitën, për lejet që ka dhënë kur ka qenë në pushtet.
“Ka filluar një hetim për çështjen e përmbytjes te City Parku. Nga të dhënat e para hetimore, atje në atë zonë është ndërtuar mbi kolektor dhe për dijeninë tuaj lejet e ndërtimit mbi kolektor i kanë dhënë ata që i kanë dhënë gjithmonë, ju! Hetimi do sjellë edhe çuarjen për ndjekje penale për ata që kanë përgjegjësi për atë dëm të vërtetë. Patjetër që ne do të ndërhyjmë për ta rivendosur në vend infrastrukturën në atë zonë, dhe e fundit, nuk janë hapur rezervuare”, u shpreh Kryeministri Edi Rama në Parlament.
javanews.al
