Kuvendi ka votuar projektligjet që ishin në rend të ditës së sotme, pas një seance ku nuk munguan debatet dhe akuzat mes palëve.
Pr/ligji për bursën e energjisë përçau LSI, pasi 5 deputetë të saj votuan pro në parim.
PD nuk ka votuar, ndërsa deputetët e LSI-së Haxhinasto, Panariti, Rrokaj, Naço, Tusha kanë votuar pro në parim.
Parlamenti ka miratuar me procedurë të përshpejtuar ligjin për vettingun në polici, i cili ka marrë 86 vota pro dhe 1 abstenim.
PS ka 74 vota, ndërsa ligji mori 86 vota, ç’ka do të thotë se edhe deputetë të PD dhe LSI që ndodheshin në sallë kanë votuar pro këtij ligji, i cili do të kalojë në komisione këtë javë me procedurë të përshpejtuar.
Mbi 13 mijë efektivë do i nënshtrohen një skanimi të plotë, për të pastruar nga radhët e policisë të korruptuarit.
a.ç
