Si rrallë herë një ish- kryeministër rreshtohet hapur në Kuvend në një konflikt të hapur interesi në mbrojtje të një biznesmeni që i ka ndërtuar shtëpi dhe i ka dhënë zyrë në pallatin e ndërtuar prej tij. Kjo ka ndodhur sot në Kuvend kur ish kryeministri, Sali Berisha, ka sulmuar ashpër kryetarin e Bashkisë së Tiaranës, Erion Veliaj, për protestën që ai bëri dje përpara gjykatës, ku kërkokonte ndryshimin e trupës gjyqësore për çështjen e pallatit 17-katësh tek diga e Liqenit. Mes të drejtës publike për një ndërtim pa leje që cënon rëndë sigurinë publike, si dhe biznesmenit, Berisha ka zgjedhur biznesmenin, Bashkim Ulaj. Berisha në këtë mbrojtje ka shkuar edhe më tej duke kërkuar deri dhe shkarkimin e Veliajt.
“Ti sulmon ndërtimet te diga, do të mbrosh ndërtimet e tua pa leje. Veliaj është rrugaç, ka shkelur Kushtetutën, duhet të ikë. Veliaj përdori pushtetin për të asgjësuar gjykatën. Grupi parlamentar i PD të kërkojë shkarkimin e Veliajt. Gjesti i Veliajt, një ngjarje që nuk ka ndodhur kurrë. Në protestë, njeriu që ka 10 pallate pa leje. Rrethimi i gjykatës nga Veliaj, rrënim i themelit kushtetues” tha Berisha.
Berisha banon dhe ka zyrën e tij në dy pallate të ndërtuara nga Bashkim Ulaj. Shtëpia e Berishës ndodhet në pallatin e ndërtuar nga Ulaj te ‘Mustafa Matohiti’ ndërkohë që zyra e tij është në pallatin tjetër të ndërtuar nga Ulaj te ‘Aba Center’
ma.me
