Koronavirusi ka lënë ditë pas dite histori të trishta e të dhimbshme sa i përket pacientëve të infektuar. Mes shumë historive që janë bërë virale janë vetë mjekët dhe infermierët që tregojnë këto histori pasi ata janë të vetmit njerëz që ju gjendjen pranë të sëmurëve.
Kështu është edhe rasti i fundit nga New Yorku ku anestezisti Derrick Smith është një prej anëtarëve të personelit shëndetësor që sheh çdo ditë njerëz që vdesin. Ai është mësuar më humbjet e tmerrshme të pacientëve, por pandemia e koronavirusit ka bërë që ai të përjetojë një realitet tjetër nga sa mundet pjesa tjetër e popullsisë të shoh.
Ai ka treguar edhe fjalët e fundit që një pacient me Covid-19 ishte në minutat e fundit të jetës së tij kur po i vendosnin ventilatorin, shkruan “Daily Mail”.
“Kush do e paguajë atë?”- e kishte pyetur pacienti doktorin teksa kishte vështirësi në frymëmarrje.
“Ata ishin fjalët e fundit që nuk do t’i harroja kurrë. Ky pacient kishte probleme me frymëmarrjen, kishte vështirësi në të folur dhe prapë shqetësimi i tij kryesor ishte kush mund të paguante, por statistikisht ai nuk kishte gjasa për të mbijetuar.”- tha Smith.
Duke qenë se Smith me kolegët e tij besonin se ai nuik mund të jetonte bënë të mundur që bashkëshortja e tij ta takonte në spital për t’i dhënë lamtumirën e fundit.
“Shumica e pacientëve Covid-19 mund të vdesin pasi të vendosen në ventilatorë, me shkallën e vdekshmërisë që arrin deri në 80% në pacientët me koronavirus të intubuar.”- u shpreh ai.
g.kosovari
