Ishte 9 tetori i vitit 1999, kur një grup yjesh të muzikës do të bëheshin tok për një kauzë: të ndihmonin refugjatët kosovarë, shkruan Koha Ditore.
Me qëllim të prezantimit të ueb faqes “Netaid.org”, e cila mëtonte t’i jepte fund varfërisë në botë, duke bërë bashkë organizata, donatorë e vullnetarë. Këngëtarë të njohur u ngjitën në skenat e mëdha në New Jersey, Angli dhe Zvicër.
Skenën e stadiumit në Wembley në Londër do ta shkelnin këngëtarët e njohur si Bryan Adams, George Michael, Robbie Williams, bendi i cili u ribashkua në atë kohë “Eurythmics” si dhe ikona David Bowie, i cili vdiq të hënën në moshën 69-vjeçare.
Koncertet, edhe pse nuk e kishin qëllim kryesor mbledhjen e fondeve, megjithatë fitimet e para ua dedikuan ndihmave për refugjatët në Kosovë dhe për zbutjen e varfërisë në Afrikë. Bowie do të ngjitej në skenë për të kënduar gjashtë këngë.
Do të niste performancën me “Life on Mars”, për të vazhduar me “Survive”, me hitin “China Girl”, “The Pretty Things Are Going To Hell”e “Drive in Saturday”. Do ta mbyllte me “Rebel Rebel”.
